Njohja e Kosovës në pakon e kushteve për ndihmë Greqisë

Gazeta serbe “Blic”, raporton se në paketën e kushteve, të cilat Greqia duhet t'i plotësojë që të marrë ndihmën financiare të Perëndimit, qëndron edhe njohja e Kosovës.

Gazeta serbe mëson nga burimet diplomatike se shkrimet gjithnjë e më të shpeshta në shtypin grek dhe paralajmërimet e analistëve dhe politikanëve të atjeshëm se Kosova është betejë e humbur për Serbinë, e kanë prapavijën e vet.

Për shkak të situatës së ndjeshme financiare në të cilën gjendet, Greqisë do t'i duhet të luajë sipas notave të financuesve perëndimorë, shkruan kjo gazetë.