Podgoricë – Protestë anti-NATO, pro-Rusisë, kundër Kosovës

Në Podgoricë të shtunën në mbrëmje është zhvilluar një protestë nga pjesë e Frontit Demokratik kundër anëtarësimit të Malit të Zi në NATO.
Protesta filloi para Parlamentit të Malit të Zi, ku sipas organizatorit protestuan më së pakut 5 mijë protestues.

Folësit e protestës porositën që anëtarësimi në NATO mund të bëhët vetëm me vullnetin e popullit përmes referendumit, në të kundërtën, sipas tyre, do të ketë konflikte.
Para protestuesve ka folur ehe ish kryetari i Malit të Zi, Momir Bulatovic.
Protestuesit mbanin pllakat me mbishkrimin “NATO është organizatë satanike”.
Gjatë gjithë protestës është thirrur Rusia, Rusia”, “Putin, Putin”… ndërsa nuk është harrua as Kosova duke thirrur “Nuk e japim Kosovën” dhe “Kosova është zemra e Serbisë”.
Një pjesë e të tubuarve kanë kënduar edhe “Himnin e heronjve të Kosovës”, këngë patriotike serbe.
Për dhjetë ditë është paralajmëruar protesta tjetër. /MALESIA.ORG/