Pjesëmarrës në këto ceremoni kanë qene edhe turistë të huaj, ndërsa qytetarët kanë uruar që kjo ditë të sjellë mbarësi për të gjithë.
Nxënësit e shkollave 9-vjeçare të qytetit kanë çelur siparin e festimeve ndërsa me pantonimat e tyre, bënë thirrje për një kujdesje më të veçantë për fëmijët dhe të drejtat e tyre. Më pas, njerëzit kanë vizituar Panairin e Ditës së Verës, si dhe kanë provuar ballokumet, gatimin tradicional të kësaj feste. Në mesditë, ata janë drejtuar për të drekuar në pikat turistike të rrethit, si dhe lokalet e zonës, të cilat si zakonisht janë që të gjitha plot në këtë ditë.
Si çdo vit, edhe sot në Elbasan mbërrijnë drejtues të lartë të politikës, që kalojnë me qytetarët disa orë të kësaj feste. Në fakt, festa ka filluar që mbrëmë me një koncert të sheshin kryesor të qytetit, Në mbrëmje vonë, festa ka kulmuar më hedhjen e fishekzjarrëve.
Dita e Verës është një festë pagane, ndërsa 10 vjet më parë 14 marsi, me vendim qeverie u kthye në një ditë pushimi zyrtar. Kryeqyteti i festës është qyteti i Elbasanit, por kjo ditë festohet tashmë në çdo qytet të vendit, ku njerëzit mblidhen së bashku me familjen miqtë apo të afërmit për të kaluar disa orë.