Një superoperacion i FNSH-së dhe Prokurorisë së Krimeve të Rënda ka vënë në pranga 7 persona të cilët akuzohen për terrorizëm.
Sipas informacioneve, operacioni është zhvilluar në 4 qytete të vendit, si në Tiranë, Elbasan,
Pogradec dhe Librazhd ndërsa mes të arrestuarve ndodhet edhe imami i një xhamie.
Mësohet se arrestimi i 7 personave është bërë pas përgjimeve të Prokurorisë së Krimeve të Rënda.
Gjatë operacionit janë sekuestruar edhe armë, fishekë dhe lëndë eksplozive të cilët dyshohen se do të përdoreshin në konfliktin e Sirisë.
Gjithashtu dyshohet se të arrestuarit janë përfshirë në një aktivitet terrorist që i predikonin besimtarëve myslimanë të shkonin për të luftuar në Siri.
Prokuroria e Krimeve të Rënda nisi hetimin ndaj 7 personave të dyshuar, pas vrasjes së dy shqiptarëve në luftën e Sirisë.
Ndërkohë pritet që në orët në vijim Prokuroria e Krimeve të Rënda të japë më shumë detaje për operacionin dhe identitetin e të arrestuarve.
