Çlirimi i Shqipërisë . Vendosja e regjimit komunist

Nga: Brilant Gashi

Më 24 maj 1944 në Përmet , u mblodh Kongresi Nacionalçlirimtar . Delegatët e Frontit Nacionalçlirimtar dhe të ushtrisë , zgjodhën si
organ ligjvënës , Këshillin Antifashist Nacionalçlirimtar , i cili krijoi Komitetin Nacionalçlirimtar , me funksionet e qeverisë së përkohshme .
Kongresi mori edhe vendime të tjera si , ndalimin e ardhjes së Ahmet Zogut në Shqipëri , vazhdimin e luftës , jo vetëm kundër pushtuesit por edhe kundër të gjithë forcave të cilat ishin jashtë frontit Nacionalçlirimtar . Kështu pambaruar ende lufta , në Shqipëri u vendos pushteti i një force të vetme politike , ai i PKSH-së .
Divizioni I luftoi në Shqipërinë e Mesme e të Veriut , kryesisht kundër forcave të Legalitetit , të Ballit Kombëtar si dhe kundër bajraktarëve e grupimeve të tjera nacionaliste të Shqipërisë Qendrore dhe të Veriut .
Ushtria partizane sulmoi e masakroi forcat nacionaliste në Çermenikë , Zaranikë , Librazhd , ato të Abaz Kupit në Mat , të Muharrem Bajraktarit në Lumë etj ., dhe ajo dogji shtëpitë e fshatra të tërë , që ishin pro forcave nacionaliste .
Luftime të ashpra u zhvilluan për çlirimin e Tiranës nga 29 tetori deri më 17 nëntor kundër një autokolone gjermane dhe kjo luftë për çlirimin e Tiranës u shoqërua me pushkatim nga forcat partizane , kundër atyre nacionaliste . Pasi që u çlirua kryeqyteti , më 28 nëntor dhe pikërisht , në datën e Pavarsisë së Shqipërisë , u çlirua edhe Shkodra dhe bashkë me të edhe , e gjithe Shqipëria .
Lufta Çlirimtare Antifashiste e popullit shqiptar , përbën një nga epopetë më të lavdishme të historisë sonë shekullore dhe kjo luftë , pati karakter mbarëpopullor , për çlirim e bashkim kombëtar dhe kjo luftë u shkaktoi pushtuesve 70.000 të vrarë , të plagosur dhe robër .
Populli shqiptar u ngrit në luftë me idealin e tij të pastër , për çlirim kombëtar , për liri e demokraci , por në fakt këtë gjë e arriti vetëm pjesërisht sepse nuk u krijua Shqipëria e Bashkuar , që për të dhanë jetën shumë shqiptar dhe atdhetar .