Policia ndalon në doganë shtetasin serb. I gjenden dy drone

Policia kufitare e Qafë­ Thanës ka ndaluar ditën e sotme një shtetas serb, që po tentonte të hynte në Shqipëri. Ndalimi i tij u bë pasi gjatë kontrollit, shtetasit serb iu gjetën edhe dron. Sipas asaj që raporton “Ballkanweb”, ai është ndaluar rreth orës 17:00 të ditës së sotme.

Ai është marrë në pyetje lidhur me dronet që ka pasur me vete. Ndeshja Shqipëri-­Serbi do të luhet me 8 tetor në “Elbasan Arena”. Për herë të parë, Policia e Shtetit, FSHF­ja dhe SHISH­i po bashkëpunojnë për mbarëvajtjen e ndeshjes, pas episodeve që ndodhën në ndeshjen e parë, ku një dron hyri në stadiumin e Beogradit.
Ndeshja u ndërpre për shkak të dhunës dhe Shqiperisë iu desh të priste muaj për të marrë pikët nga KAS­i. Pas atyre episodeve, ultrasit serbë kanë paralajmëruar “surpriza” për ndeshjen e kthimit.