Kryeministri shqiptar sot viziton Preshevën!

Kryeministri shqiptar Edi Rama pas Beogradit do të vizitoj sot Luginën e Preshevës. Gjatë vizitës së tij, kryeministri shqiptar përveç që do të takohet me liderët politik në Preshevë, ai do të takohet me biznesmen dhe maturantë nga Lugina e Preshevës. Siç ka mësuar presheva.com, Kryeministri shqiptar do të arrij në ndërtesën e komunës së Preshevës rreth orës 11, ku dhe do të takohet me kryetarin e Komunës së Preshevës. Kuvendi komunal në Preshevë, do të mbaj një seancë kuvendi të jashtëzakonshme ku do të shpall kryeministrin Edi Rama qytetar nderi i komunës së Preshevës.
Kryeministri Rama do të ketë një takim në kabinetin e kryetarit të komunës së Preshevës, e pastaj do të shkoj në shtëpinë e kulturës "Abdulla Krashnica".
Sipas agjendës, kryeministri Edi Rama duhet ti drejtohet qytetarëve të Preshevës me një fjalim të shkurtë në oborrin e shtëpisë së kulturës, ndërsa pastaj takimin do ta vazhdoj në sallën e madhe ku do të takoj biznesmen dhe maturantë nga Presheva. Presheva tashmë gati të pres kryeministrin e parë shqiptar në këto troje. /presheva.com./